Book 3 • Chapter 15
Section 15
10 verses
Verse 1
थोरेहि महँ सब कहउँ बुझाई सुनहु तात मति मन चित लाई
Verse 2
मैं अरु मोर तोर तैं माया जेहिं बस कीन्हे जीव निकाया
Verse 3
गो गोचर जहँ लगि मन जाई सो सब माया जानेहु भाई
Verse 4
तेहि कर भेद सुनहु तुम्ह सोऊ बिद्या अपर अबिद्या दोऊ
Verse 5
एक दुष्ट अतिसय दुखरूपा जा बस जीव परा भवकूपा
Verse 6
एक रचइ जग गुन बस जाकें प्रभु प्रेरित नहिं निज बल ताकें
Verse 7
ग्यान मान जहँ एकउ नाहीं देख ब्रह्म समान सब माही
Verse 8
कहिअ तात सो परम बिरागी तृन सम सिद्धि तीनि गुन त्यागी
Verse 9
माया ईस न आपु कहुँ जान कहिअ सो जीव
Verse 10
बंध मोच्छ प्रद सर्बपर माया प्रेरक सीव
0:000:00
Speed: