Book 1 • Chapter 295
Section 295
10 verses
Verse 1
राजा सबु रनिवास बोलाई जनक पत्रिका बाचि सुनाई
Verse 2
सुनि संदेसु सकल हरषानीं अपर कथा सब भूप बखानीं
Verse 3
प्रेम प्रफुल्लित राजहिं रानी मनहुँ सिखिनि सुनि बारिद बनी
Verse 4
मुदित असीस देहिं गुरु नारीं अति आनंद मगन महतारीं
Verse 5
लेहिं परस्पर अति प्रिय पाती हृदयँ लगाइ जुड़ावहिं छाती
Verse 6
राम लखन कै कीरति करनी बारहिं बार भूपबर बरनी
Verse 7
मुनि प्रसादु कहि द्वार सिधाए रानिन्ह तब महिदेव बोलाए
Verse 8
दिए दान आनंद समेता चले बिप्रबर आसिष देता
Verse 9
जाचक लिए हँकारि दीन्हि निछावरि कोटि बिधि
Verse 10
चिरु जीवहुँ सुत चारि चक्रबर्ति दसरत्थ के
0:000:00
Speed: