Book 1 • Chapter 314
Section 314
10 verses
Verse 1
सुरन्ह सुमंगल अवसरु जाना बरषहिं सुमन बजाइ निसाना
Verse 2
सिव ब्रह्मादिक बिबुध बरूथा चढ़े बिमानन्हि नाना जूथा
Verse 3
प्रेम पुलक तन हृदयँ उछाहू चले बिलोकन राम बिआहू
Verse 4
देखि जनकपुरु सुर अनुरागे निज निज लोक सबहिं लघु लागे
Verse 5
चितवहिं चकित बिचित्र बिताना रचना सकल अलौकिक नाना
Verse 6
नगर नारि नर रूप निधाना सुघर सुधरम सुसील सुजाना
Verse 7
तिन्हहि देखि सब सुर सुरनारीं भए नखत जनु बिधु उजिआरीं
Verse 8
बिधिहि भयह आचरजु बिसेषी निज करनी कछु कतहुँ न देखी
Verse 9
सिवँ समुझाए देव सब जनि आचरज भुलाहु
Verse 10
हृदयँ बिचारहु धीर धरि सिय रघुबीर बिआहु
0:000:00
Speed: