Book 4 • Chapter 30
Section 30
20 verses
Verse 1
अंगद कहइ जाउँ मैं पारा जियँ संसय कछु फिरती बारा
Verse 2
जामवंत कह तुम्ह सब लायक पठइअ किमि सब ही कर नायक
Verse 3
कहइ रीछपति सुनु हनुमाना का चुप साधि रहेहु बलवाना
Verse 4
पवन तनय बल पवन समाना बुधि बिबेक बिग्यान निधाना
Verse 5
कवन सो काज कठिन जग माहीं जो नहिं होइ तात तुम्ह पाहीं
Verse 6
राम काज लगि तब अवतारा सुनतहिं भयउ पर्वताकारा
Verse 7
कनक बरन तन तेज बिराजा मानहु अपर गिरिन्ह कर राजा
Verse 8
सिंहनाद करि बारहिं बारा लीलहीं नाषउँ जलनिधि खारा
Verse 9
सहित सहाय रावनहि मारी आनउँ इहाँ त्रिकूट उपारी
Verse 10
जामवंत मैं पूँछउँ तोही उचित सिखावनु दीजहु मोही
Verse 11
एतना करहु तात तुम्ह जाई सीतहि देखि कहहु सुधि आई
Verse 12
तब निज भुज बल राजिव नैना कौतुक लागि संग कपि सेना
Verse 13
कपि सेन संग सँघारि निसिचर रामु सीतहि आनिहैं
Verse 14
त्रैलोक पावन सुजसु सुर मुनि नारदादि बखानिहैं
Verse 15
जो सुनत गावत कहत समुझत परम पद नर पावई
Verse 16
रघुबीर पद पाथोज मधुकर दास तुलसी गावई
Verse 17
भव भेषज रघुनाथ जसु सुनहि जे नर अरु नारि
Verse 18
तिन्ह कर सकल मनोरथ सिद्ध करिहि त्रिसिरारि 30(क)
Verse 19
नीलोत्पल तन स्याम काम कोटि सोभा अधिक
Verse 20
सुनिअ तासु गुन ग्राम जासु नाम अघ खग बधिक 30(ख)
0:000:00
Speed: