Book 7 • Chapter 130
Section 130
32 verses
Verse 1
यह सुभ संभु उमा संबादा सुख संपादन समन बिषादा
Verse 2
भव भंजन गंजन संदेहा जन रंजन सज्जन प्रिय एहा
Verse 3
राम उपासक जे जग माहीं एहि सम प्रिय तिन्ह के कछु नाहीं
Verse 4
रघुपति कृपाँ जथामति गावा मैं यह पावन चरित सुहावा
Verse 5
एहिं कलिकाल न साधन दूजा जोग जग्य जप तप ब्रत पूजा
Verse 6
रामहि सुमिरिअ गाइअ रामहि संतत सुनिअ राम गुन ग्रामहि
Verse 7
जासु पतित पावन बड़ बाना गावहिं कबि श्रुति संत पुराना
Verse 8
ताहि भजहि मन तजि कुटिलाई राम भजें गति केहिं नहिं पाई
Verse 9
पाई न केहिं गति पतित पावन राम भजि सुनु सठ मना
Verse 10
गनिका अजामिल ब्याध गीध गजादि खल तारे घना
Verse 11
आभीर जमन किरात खस स्वपचादि अति अघरूप जे
Verse 12
कहि नाम बारक तेपि पावन होहिं राम नमामि ते
Verse 13
रघुबंस भूषन चरित यह नर कहहिं सुनहिं जे गावहीं
Verse 14
कलि मल मनोमल धोइ बिनु श्रम राम धाम सिधावहीं
Verse 15
सत पंच चौपाईं मनोहर जानि जो नर उर धरै
Verse 16
दारुन अबिद्या पंच जनित बिकार श्रीरघुबर हरै
Verse 17
सुंदर सुजान कृपा निधान अनाथ पर कर प्रीति जो
Verse 18
सो एक राम अकाम हित निर्बानप्रद सम आन को
Verse 19
जाकी कृपा लवलेस ते मतिमंद तुलसीदासहूँ
Verse 20
पायो परम बिश्रामु राम समान प्रभु नाहीं कहूँ
Verse 21
मो सम दीन न दीन हित तुम्ह समान रघुबीर
Verse 22
अस बिचारि रघुबंस मनि हरहु बिषम भव भीर 130(क)
Verse 23
कामिहि नारि पिआरि जिमि लोभहि प्रिय जिमि दाम
Verse 24
तिमि रघुनाथ निरंतर प्रिय लागहु मोहि राम 130(ख)
Verse 25
यत्पूर्वं प्रभुणा कृतं सुकविना श्रीशम्भुना दुर्गमं
Verse 26
श्रॆमद्रामपदाब्जभक्तिमनिशम प्राप्त्यै तू रामायणं
Verse 27
मत्वा तद्रघुनाथनामनिरतम स्वान्तस्तम:शान्तये
Verse 28
भाषाबद्ध्मिदम चकार तुलसीदासस्तथा मानसं
Verse 29
पुण्यं पापहरं सदा शिवकरं विज्ञानाभाक्तिप्रदम
Verse 30
मायामोहमलापहं सुविमलं प्रेमाम्बुपूरं शुभम
Verse 31
श्रॆमद्रामचरितमानसमिदम भक्त्यावगाहन्ति ये
Verse 32
ते सन्सारपतनगघोरकिरनैर्दह्यन्ति नो मानवाः
0:000:00
Speed: