Book 3 • Chapter 30
Section 30
20 verses
Verse 1
रघुपति अनुजहि आवत देखी बाहिज चिंता कीन्हि बिसेषी
Verse 2
जनकसुता परिहरिहु अकेली आयहु तात बचन मम पेली
Verse 3
निसिचर निकर फिरहिं बन माहीं मम मन सीता आश्रम नाहीं
Verse 4
गहि पद कमल अनुज कर जोरी कहेउ नाथ कछु मोहि न खोरी
Verse 5
अनुज समेत गए प्रभु तहवाँ गोदावरि तट आश्रम जहवाँ
Verse 6
आश्रम देखि जानकी हीना भए बिकल जस प्राकृत दीना
Verse 7
हा गुन खानि जानकी सीता रूप सील ब्रत नेम पुनीता
Verse 8
लछिमन समुझाए बहु भाँती पूछत चले लता तरु पाँती
Verse 9
हे खग मृग हे मधुकर श्रेनी तुम्ह देखी सीता मृगनैनी
Verse 10
खंजन सुक कपोत मृग मीना मधुप निकर कोकिला प्रबीना
Verse 11
कुंद कली दाड़िम दामिनी कमल सरद ससि अहिभामिनी
Verse 12
बरुन पास मनोज धनु हंसा गज केहरि निज सुनत प्रसंसा
Verse 13
श्रीफल कनक कदलि हरषाहीं नेकु न संक सकुच मन माहीं
Verse 14
सुनु जानकी तोहि बिनु आजू हरषे सकल पाइ जनु राजू
Verse 15
किमि सहि जात अनख तोहि पाहीं प्रिया बेगि प्रगटसि कस नाहीं
Verse 16
एहि बिधि खौजत बिलपत स्वामी मनहुँ महा बिरही अति कामी
Verse 17
पूरनकाम राम सुख रासी मनुज चरित कर अज अबिनासी
Verse 18
आगे परा गीधपति देखा सुमिरत राम चरन जिन्ह रेखा
Verse 19
कर सरोज सिर परसेउ कृपासिंधु रधुबीर
Verse 20
निरखि राम छबि धाम मुख बिगत भई सब पीर
0:000:00
Speed: