Book 3 • Chapter 34
Section 34
12 verses
Verse 1
सापत ताड़त परुष कहंता बिप्र पूज्य अस गावहिं संता
Verse 2
पूजिअ बिप्र सील गुन हीना सूद्र न गुन गन ग्यान प्रबीना
Verse 3
कहि निज धर्म ताहि समुझावा निज पद प्रीति देखि मन भावा
Verse 4
रघुपति चरन कमल सिरु नाई गयउ गगन आपनि गति पाई
Verse 5
ताहि देइ गति राम उदारा सबरी कें आश्रम पगु धारा
Verse 6
सबरी देखि राम गृहँ आए मुनि के बचन समुझि जियँ भाए
Verse 7
सरसिज लोचन बाहु बिसाला जटा मुकुट सिर उर बनमाला
Verse 8
स्याम गौर सुंदर दोउ भाई सबरी परी चरन लपटाई
Verse 9
प्रेम मगन मुख बचन न आवा पुनि पुनि पद सरोज सिर नावा
Verse 10
सादर जल लै चरन पखारे पुनि सुंदर आसन बैठारे
Verse 11
कंद मूल फल सुरस अति दिए राम कहुँ आनि
Verse 12
प्रेम सहित प्रभु खाए बारंबार बखानि
0:000:00
Speed: