Book 3 • Chapter 6
Section 6
18 verses
Verse 1
सुनि जानकीं परम सुखु पावा सादर तासु चरन सिरु नावा
Verse 2
तब मुनि सन कह कृपानिधाना आयसु होइ जाउँ बन आना
Verse 3
संतत मो पर कृपा करेहू सेवक जानि तजेहु जनि नेहू
Verse 4
धर्म धुरंधर प्रभु कै बानी सुनि सप्रेम बोले मुनि ग्यानी
Verse 5
जासु कृपा अज सिव सनकादी चहत सकल परमारथ बादी
Verse 6
ते तुम्ह राम अकाम पिआरे दीन बंधु मृदु बचन उचारे
Verse 7
अब जानी मैं श्री चतुराई भजी तुम्हहि सब देव बिहाई
Verse 8
जेहि समान अतिसय नहिं कोई ता कर सील कस न अस होई
Verse 9
केहि बिधि कहौं जाहु अब स्वामी कहहु नाथ तुम्ह अंतरजामी
Verse 10
अस कहि प्रभु बिलोकि मुनि धीरा लोचन जल बह पुलक सरीरा
Verse 11
तन पुलक निर्भर प्रेम पुरन नयन मुख पंकज दिए
Verse 12
मन ग्यान गुन गोतीत प्रभु मैं दीख जप तप का किए
Verse 13
जप जोग धर्म समूह तें नर भगति अनुपम पावई
Verse 14
रधुबीर चरित पुनीत निसि दिन दास तुलसी गावई
Verse 15
कलिमल समन दमन मन राम सुजस सुखमूल
Verse 16
सादर सुनहि जे तिन्ह पर राम रहहिं अनुकूल 6(क)
Verse 17
कठिन काल मल कोस धर्म न ग्यान न जोग जप
Verse 18
परिहरि सकल भरोस रामहि भजहिं ते चतुर नर 6(ख)
0:000:00
Speed: