Book 2 • Chapter 109
Section 109
10 verses
Verse 1
राम सप्रेम कहेउ मुनि पाहीं नाथ कहिअ हम केहि मग जाहीं
Verse 2
मुनि मन बिहसि राम सन कहहीं सुगम सकल मग तुम्ह कहुँ अहहीं
Verse 3
साथ लागि मुनि सिष्य बोलाए सुनि मन मुदित पचासक आए
Verse 4
सबन्हि राम पर प्रेम अपारा सकल कहहि मगु दीख हमारा
Verse 5
मुनि बटु चारि संग तब दीन्हे जिन्ह बहु जनम सुकृत सब कीन्हे
Verse 6
करि प्रनामु रिषि आयसु पाई प्रमुदित हृदयँ चले रघुराई
Verse 7
ग्राम निकट जब निकसहि जाई देखहि दरसु नारि नर धाई
Verse 8
होहि सनाथ जनम फलु पाई फिरहि दुखित मनु संग पठाई
Verse 9
बिदा किए बटु बिनय करि फिरे पाइ मन काम
Verse 10
उतरि नहाए जमुन जल जो सरीर सम स्याम
0:000:00
Speed: