Book 2 • Chapter 124
Section 124
10 verses
Verse 1
अजहुँ जासु उर सपनेहुँ काऊ बसहुँ लखनु सिय रामु बटाऊ
Verse 2
राम धाम पथ पाइहि सोई जो पथ पाव कबहुँ मुनि कोई
Verse 3
तब रघुबीर श्रमित सिय जानी देखि निकट बटु सीतल पानी
Verse 4
तहँ बसि कंद मूल फल खाई प्रात नहाइ चले रघुराई
Verse 5
देखत बन सर सैल सुहाए बालमीकि आश्रम प्रभु आए
Verse 6
राम दीख मुनि बासु सुहावन सुंदर गिरि काननु जलु पावन
Verse 7
सरनि सरोज बिटप बन फूले गुंजत मंजु मधुप रस भूले
Verse 8
खग मृग बिपुल कोलाहल करहीं बिरहित बैर मुदित मन चरहीं
Verse 9
सुचि सुंदर आश्रमु निरखि हरषे राजिवनेन
Verse 10
सुनि रघुबर आगमनु मुनि आगें आयउ लेन
0:000:00
Speed: