Book 2 • Chapter 134
Section 134
10 verses
Verse 1
अमर नाग किंनर दिसिपाला चित्रकूट आए तेहि काला
Verse 2
राम प्रनामु कीन्ह सब काहू मुदित देव लहि लोचन लाहू
Verse 3
बरषि सुमन कह देव समाजू नाथ सनाथ भए हम आजू
Verse 4
करि बिनती दुख दुसह सुनाए हरषित निज निज सदन सिधाए
Verse 5
चित्रकूट रघुनंदनु छाए समाचार सुनि सुनि मुनि आए
Verse 6
आवत देखि मुदित मुनिबृंदा कीन्ह दंडवत रघुकुल चंदा
Verse 7
मुनि रघुबरहि लाइ उर लेहीं सुफल होन हित आसिष देहीं
Verse 8
सिय सौमित्र राम छबि देखहिं साधन सकल सफल करि लेखहिं
Verse 9
जथाजोग सनमानि प्रभु बिदा किए मुनिबृंद
Verse 10
करहि जोग जप जाग तप निज आश्रमन्हि सुछंद
0:000:00
Speed: