Book 2 • Chapter 136
Section 136
10 verses
Verse 1
धन्य भूमि बन पंथ पहारा जहँ जहँ नाथ पाउ तुम्ह धारा
Verse 2
धन्य बिहग मृग काननचारी सफल जनम भए तुम्हहि निहारी
Verse 3
हम सब धन्य सहित परिवारा दीख दरसु भरि नयन तुम्हारा
Verse 4
कीन्ह बासु भल ठाउँ बिचारी इहाँ सकल रितु रहब सुखारी
Verse 5
हम सब भाँति करब सेवकाई करि केहरि अहि बाघ बराई
Verse 6
बन बेहड़ गिरि कंदर खोहा सब हमार प्रभु पग पग जोहा
Verse 7
तहँ तहँ तुम्हहि अहेर खेलाउब सर निरझर जलठाउँ देखाउब
Verse 8
हम सेवक परिवार समेता नाथ न सकुचब आयसु देता
Verse 9
बेद बचन मुनि मन अगम ते प्रभु करुना ऐन
Verse 10
बचन किरातन्ह के सुनत जिमि पितु बालक बैन
0:000:00
Speed: