Book 2 • Chapter 194
Section 194
10 verses
Verse 1
भेंटत भरतु ताहि अति प्रीती लोग सिहाहिं प्रेम कै रीती
Verse 2
धन्य धन्य धुनि मंगल मूला सुर सराहि तेहि बरिसहिं फूला
Verse 3
लोक बेद सब भाँतिहिं नीचा जासु छाँह छुइ लेइअ सींचा
Verse 4
तेहि भरि अंक राम लघु भ्राता मिलत पुलक परिपूरित गाता
Verse 5
राम राम कहि जे जमुहाहीं तिन्हहि न पाप पुंज समुहाहीं
Verse 6
यह तौ राम लाइ उर लीन्हा कुल समेत जगु पावन कीन्हा
Verse 7
करमनास जलु सुरसरि परई तेहि को कहहु सीस नहिं धरई
Verse 8
उलटा नामु जपत जगु जाना बालमीकि भए ब्रह्म समाना
Verse 9
स्वपच सबर खस जमन जड़ पावँर कोल किरात
Verse 10
रामु कहत पावन परम होत भुवन बिख्यात
0:000:00
Speed: