Book 2 • Chapter 249
Section 249
10 verses
Verse 1
राम बचन सुनि सभय समाजू जनु जलनिधि महुँ बिकल जहाजू
Verse 2
सुनि गुर गिरा सुमंगल मूला भयउ मनहुँ मारुत अनुकुला
Verse 3
पावन पयँ तिहुँ काल नहाहीं जो बिलोकि अंघ ओघ नसाहीं
Verse 4
मंगलमूरति लोचन भरि भरि निरखहिं हरषि दंडवत करि करि
Verse 5
राम सैल बन देखन जाहीं जहँ सुख सकल सकल दुख नाहीं
Verse 6
झरना झरिहिं सुधासम बारी त्रिबिध तापहर त्रिबिध बयारी
Verse 7
बिटप बेलि तृन अगनित जाती फल प्रसून पल्लव बहु भाँती
Verse 8
सुंदर सिला सुखद तरु छाहीं जाइ बरनि बन छबि केहि पाहीं
Verse 9
सरनि सरोरुह जल बिहग कूजत गुंजत भृंग
Verse 10
बैर बिगत बिहरत बिपिन मृग बिहंग बहुरंग
0:000:00
Speed: