Book 2 • Chapter 250
Section 250
10 verses
Verse 1
कोल किरात भिल्ल बनबासी मधु सुचि सुंदर स्वादु सुधा सी
Verse 2
भरि भरि परन पुटीं रचि रुरी कंद मूल फल अंकुर जूरी
Verse 3
सबहि देहिं करि बिनय प्रनामा कहि कहि स्वाद भेद गुन नामा
Verse 4
देहिं लोग बहु मोल न लेहीं फेरत राम दोहाई देहीं
Verse 5
कहहिं सनेह मगन मृदु बानी मानत साधु पेम पहिचानी
Verse 6
तुम्ह सुकृती हम नीच निषादा पावा दरसनु राम प्रसादा
Verse 7
हमहि अगम अति दरसु तुम्हारा जस मरु धरनि देवधुनि धारा
Verse 8
राम कृपाल निषाद नेवाजा परिजन प्रजउ चहिअ जस राजा
Verse 9
यह जिंयँ जानि सँकोचु तजि करिअ छोहु लखि नेहु
Verse 10
हमहि कृतारथ करन लगि फल तृन अंकुर लेहु
0:000:00
Speed: