Book 2 • Chapter 287
Section 287
10 verses
Verse 1
तापस बेष जनक सिय देखी भयउ पेमु परितोषु बिसेषी
Verse 2
पुत्रि पवित्र किए कुल दोऊ सुजस धवल जगु कह सबु कोऊ
Verse 3
जिति सुरसरि कीरति सरि तोरी गवनु कीन्ह बिधि अंड करोरी
Verse 4
गंग अवनि थल तीनि बड़ेरे एहिं किए साधु समाज घनेरे
Verse 5
पितु कह सत्य सनेहँ सुबानी सीय सकुच महुँ मनहुँ समानी
Verse 6
पुनि पितु मातु लीन्ह उर लाई सिख आसिष हित दीन्हि सुहाई
Verse 7
कहति न सीय सकुचि मन माहीं इहाँ बसब रजनीं भल नाहीं
Verse 8
लखि रुख रानि जनायउ राऊ हृदयँ सराहत सीलु सुभाऊ
Verse 9
बार बार मिलि भेंट सिय बिदा कीन्ह सनमानि
Verse 10
कही समय सिर भरत गति रानि सुबानि सयानि
0:000:00
Speed: