Book 2 • Chapter 307
Section 307
10 verses
Verse 1
सभा सकल सुनि रघुबर बानी प्रेम पयोधि अमिअ जनु सानी
Verse 2
सिथिल समाज सनेह समाधी देखि दसा चुप सारद साधी
Verse 3
भरतहि भयउ परम संतोषू सनमुख स्वामि बिमुख दुख दोषू
Verse 4
मुख प्रसन्न मन मिटा बिषादू भा जनु गूँगेहि गिरा प्रसादू
Verse 5
कीन्ह सप्रेम प्रनामु बहोरी बोले पानि पंकरुह जोरी
Verse 6
नाथ भयउ सुखु साथ गए को लहेउँ लाहु जग जनमु भए को
Verse 7
अब कृपाल जस आयसु होई करौं सीस धरि सादर सोई
Verse 8
सो अवलंब देव मोहि देई अवधि पारु पावौं जेहि सेई
Verse 9
देव देव अभिषेक हित गुर अनुसासनु पाइ
Verse 10
आनेउँ सब तीरथ सलिलु तेहि कहँ काह रजाइ
0:000:00
Speed: