Book 2 • Chapter 311
Section 311
10 verses
Verse 1
कहत धरम इतिहास सप्रीती भयउ भोरु निसि सो सुख बीती
Verse 2
नित्य निबाहि भरत दोउ भाई राम अत्रि गुर आयसु पाई
Verse 3
सहित समाज साज सब सादें चले राम बन अटन पयादें
Verse 4
कोमल चरन चलत बिनु पनहीं भइ मृदु भूमि सकुचि मन मनहीं
Verse 5
कुस कंटक काँकरीं कुराईं कटुक कठोर कुबस्तु दुराईं
Verse 6
महि मंजुल मृदु मारग कीन्हे बहत समीर त्रिबिध सुख लीन्हे
Verse 7
सुमन बरषि सुर घन करि छाहीं बिटप फूलि फलि तृन मृदुताहीं
Verse 8
मृग बिलोकि खग बोलि सुबानी सेवहिं सकल राम प्रिय जानी
Verse 9
सुलभ सिद्धि सब प्राकृतहु राम कहत जमुहात
Verse 10
राम प्रान प्रिय भरत कहुँ यह न होइ बड़ि बात
0:000:00
Speed: