Book 2 • Chapter 312
Section 312
10 verses
Verse 1
एहि बिधि भरतु फिरत बन माहीं नेमु प्रेमु लखि मुनि सकुचाहीं
Verse 2
पुन्य जलाश्रय भूमि बिभागा खग मृग तरु तृन गिरि बन बागा
Verse 3
चारु बिचित्र पबित्र बिसेषी बूझत भरतु दिब्य सब देखी
Verse 4
सुनि मन मुदित कहत रिषिराऊ हेतु नाम गुन पुन्य प्रभाऊ
Verse 5
कतहुँ निमज्जन कतहुँ प्रनामा कतहुँ बिलोकत मन अभिरामा
Verse 6
कतहुँ बैठि मुनि आयसु पाई सुमिरत सीय सहित दोउ भाई
Verse 7
देखि सुभाउ सनेहु सुसेवा देहिं असीस मुदित बनदेवा
Verse 8
फिरहिं गएँ दिनु पहर अढ़ाई प्रभु पद कमल बिलोकहिं आई
Verse 9
देखे थल तीरथ सकल भरत पाँच दिन माझ
Verse 10
कहत सुनत हरि हर सुजसु गयउ दिवसु भइ साँझ
0:000:00
Speed: