Book 2 • Chapter 319
Section 319
10 verses
Verse 1
सानुज राम नृपहि सिर नाई कीन्हि बहुत बिधि बिनय बड़ाई
Verse 2
देव दया बस बड़ दुखु पायउ सहित समाज काननहिं आयउ
Verse 3
पुर पगु धारिअ देइ असीसा कीन्ह धीर धरि गवनु महीसा
Verse 4
मुनि महिदेव साधु सनमाने बिदा किए हरि हर सम जाने
Verse 5
सासु समीप गए दोउ भाई फिरे बंदि पग आसिष पाई
Verse 6
कौसिक बामदेव जाबाली पुरजन परिजन सचिव सुचाली
Verse 7
जथा जोगु करि बिनय प्रनामा बिदा किए सब सानुज रामा
Verse 8
नारि पुरुष लघु मध्य बड़ेरे सब सनमानि कृपानिधि फेरे
Verse 9
भरत मातु पद बंदि प्रभु सुचि सनेहँ मिलि भेंटि
Verse 10
बिदा कीन्ह सजि पालकी सकुच सोच सब मेटि
0:000:00
Speed: