Book 2 • Chapter 321
Section 321
10 verses
Verse 1
बिदा कीन्ह सनमानि निषादू चलेउ हृदयँ बड़ बिरह बिषादू
Verse 2
कोल किरात भिल्ल बनचारी फेरे फिरे जोहारि जोहारी
Verse 3
प्रभु सिय लखन बैठि बट छाहीं प्रिय परिजन बियोग बिलखाहीं
Verse 4
भरत सनेह सुभाउ सुबानी प्रिया अनुज सन कहत बखानी
Verse 5
प्रीति प्रतीति बचन मन करनी श्रीमुख राम प्रेम बस बरनी
Verse 6
तेहि अवसर खग मृग जल मीना चित्रकूट चर अचर मलीना
Verse 7
बिबुध बिलोकि दसा रघुबर की बरषि सुमन कहि गति घर घर की
Verse 8
प्रभु प्रनामु करि दीन्ह भरोसो चले मुदित मन डर न खरो सो
Verse 9
सानुज सीय समेत प्रभु राजत परन कुटीर
Verse 10
भगति ग्यानु बैराग्य जनु सोहत धरें सरीर
0:000:00
Speed: