Book 2 • Chapter 40
Section 40
10 verses
Verse 1
सूखहिं अधर जरइ सबु अंगू मनहुँ दीन मनिहीन भुअंगू
Verse 2
सरुष समीप दीखि कैकेई मानहुँ मीचु घरी गनि लेई
Verse 3
करुनामय मृदु राम सुभाऊ प्रथम दीख दुखु सुना न काऊ
Verse 4
तदपि धीर धरि समउ बिचारी पूँछी मधुर बचन महतारी
Verse 5
मोहि कहु मातु तात दुख कारन करिअ जतन जेहिं होइ निवारन
Verse 6
सुनहु राम सबु कारन एहू राजहि तुम पर बहुत सनेहू
Verse 7
देन कहेन्हि मोहि दुइ बरदाना मागेउँ जो कछु मोहि सोहाना
Verse 8
सो सुनि भयउ भूप उर सोचू छाड़ि न सकहिं तुम्हार सँकोचू
Verse 9
सुत सनेह इत बचनु उत संकट परेउ नरेसु
Verse 10
सकहु न आयसु धरहु सिर मेटहु कठिन कलेसु
0:000:00
Speed: