Book 2 • Chapter 51
Section 51
10 verses
Verse 1
उतरु न देइ दुसह रिस रूखी मृगिन्ह चितव जनु बाघिनि भूखी
Verse 2
ब्याधि असाधि जानि तिन्ह त्यागी चलीं कहत मतिमंद अभागी
Verse 3
राजु करत यह दैअँ बिगोई कीन्हेसि अस जस करइ न कोई
Verse 4
एहि बिधि बिलपहिं पुर नर नारीं देहिं कुचालिहि कोटिक गारीं
Verse 5
जरहिं बिषम जर लेहिं उसासा कवनि राम बिनु जीवन आसा
Verse 6
बिपुल बियोग प्रजा अकुलानी जनु जलचर गन सूखत पानी
Verse 7
अति बिषाद बस लोग लोगाई गए मातु पहिं रामु गोसाई
Verse 8
मुख प्रसन्न चित चौगुन चाऊ मिटा सोचु जनि राखै राऊ
Verse 9
नव गयंदु रघुबीर मनु राजु अलान समान
Verse 10
छूट जानि बन गवनु सुनि उर अनंदु अधिकान
0:000:00
Speed: