Book 2 • Chapter 62
Section 62
10 verses
Verse 1
मैं पुनि करि प्रवान पितु बानी बेगि फिरब सुनु सुमुखि सयानी
Verse 2
दिवस जात नहिं लागिहि बारा सुंदरि सिखवनु सुनहु हमारा
Verse 3
जौ हठ करहु प्रेम बस बामा तौ तुम्ह दुखु पाउब परिनामा
Verse 4
काननु कठिन भयंकरु भारी घोर घामु हिम बारि बयारी
Verse 5
कुस कंटक मग काँकर नाना चलब पयादेहिं बिनु पदत्राना
Verse 6
चरन कमल मुदु मंजु तुम्हारे मारग अगम भूमिधर भारे
Verse 7
कंदर खोह नदीं नद नारे अगम अगाध न जाहिं निहारे
Verse 8
भालु बाघ बृक केहरि नागा करहिं नाद सुनि धीरजु भागा
Verse 9
भूमि सयन बलकल बसन असनु कंद फल मूल
Verse 10
ते कि सदा सब दिन मिलिहिं सबुइ समय अनुकूल
0:000:00
Speed: