Book 2 • Chapter 71
Section 71
10 verses
Verse 1
अस जियँ जानि सुनहु सिख भाई करहु मातु पितु पद सेवकाई
Verse 2
भवन भरतु रिपुसूदन नाहीं राउ बृद्ध मम दुखु मन माहीं
Verse 3
मैं बन जाउँ तुम्हहि लेइ साथा होइ सबहि बिधि अवध अनाथा
Verse 4
गुरु पितु मातु प्रजा परिवारू सब कहुँ परइ दुसह दुख भारू
Verse 5
रहहु करहु सब कर परितोषू नतरु तात होइहि बड़ दोषू
Verse 6
जासु राज प्रिय प्रजा दुखारी सो नृपु अवसि नरक अधिकारी
Verse 7
रहहु तात असि नीति बिचारी सुनत लखनु भए ब्याकुल भारी
Verse 8
सिअरें बचन सूखि गए कैंसें परसत तुहिन तामरसु जैसें
Verse 9
उतरु न आवत प्रेम बस गहे चरन अकुलाइ
Verse 10
नाथ दासु मैं स्वामि तुम्ह तजहु त काह बसाइ
0:000:00
Speed: