Book 2 • Chapter 70
Section 70
10 verses
Verse 1
समाचार जब लछिमन पाए ब्याकुल बिलख बदन उठि धाए
Verse 2
कंप पुलक तन नयन सनीरा गहे चरन अति प्रेम अधीरा
Verse 3
कहि न सकत कछु चितवत ठाढ़े मीनु दीन जनु जल तें काढ़े
Verse 4
सोचु हृदयँ बिधि का होनिहारा सबु सुखु सुकृत सिरान हमारा
Verse 5
मो कहुँ काह कहब रघुनाथा रखिहहिं भवन कि लेहहिं साथा
Verse 6
राम बिलोकि बंधु कर जोरें देह गेह सब सन तृनु तोरें
Verse 7
बोले बचनु राम नय नागर सील सनेह सरल सुख सागर
Verse 8
तात प्रेम बस जनि कदराहू समुझि हृदयँ परिनाम उछाहू
Verse 9
मातु पिता गुरु स्वामि सिख सिर धरि करहि सुभायँ
Verse 10
लहेउ लाभु तिन्ह जनम कर नतरु जनमु जग जायँ
0:000:00
Speed: