Book 2 • Chapter 73
Section 73
10 verses
Verse 1
मागहु बिदा मातु सन जाई आवहु बेगि चलहु बन भाई
Verse 2
मुदित भए सुनि रघुबर बानी भयउ लाभ बड़ गइ बड़ि हानी
Verse 3
हरषित ह्दयँ मातु पहिं आए मनहुँ अंध फिरि लोचन पाए
Verse 4
जाइ जननि पग नायउ माथा मनु रघुनंदन जानकि साथा
Verse 5
पूँछे मातु मलिन मन देखी लखन कही सब कथा बिसेषी
Verse 6
गई सहमि सुनि बचन कठोरा मृगी देखि दव जनु चहु ओरा
Verse 7
लखन लखेउ भा अनरथ आजू एहिं सनेह बस करब अकाजू
Verse 8
मागत बिदा सभय सकुचाहीं जाइ संग बिधि कहिहि कि नाही
Verse 9
समुझि सुमित्राँ राम सिय रूप सुसीलु सुभाउ
Verse 10
नृप सनेहु लखि धुनेउ सिरु पापिनि दीन्ह कुदाउ
0:000:00
Speed: