Book 2 • Chapter 74
Section 74
10 verses
Verse 1
धीरजु धरेउ कुअवसर जानी सहज सुह्द बोली मृदु बानी
Verse 2
तात तुम्हारि मातु बैदेही पिता रामु सब भाँति सनेही
Verse 3
अवध तहाँ जहँ राम निवासू तहँइँ दिवसु जहँ भानु प्रकासू
Verse 4
जौ पै सीय रामु बन जाहीं अवध तुम्हार काजु कछु नाहिं
Verse 5
गुर पितु मातु बंधु सुर साई सेइअहिं सकल प्रान की नाईं
Verse 6
रामु प्रानप्रिय जीवन जी के स्वारथ रहित सखा सबही कै
Verse 7
पूजनीय प्रिय परम जहाँ तें सब मानिअहिं राम के नातें
Verse 8
अस जियँ जानि संग बन जाहू लेहु तात जग जीवन लाहू
Verse 9
भूरि भाग भाजनु भयहु मोहि समेत बलि जाउँ
Verse 10
जौम तुम्हरें मन छाड़ि छलु कीन्ह राम पद ठाउँ
0:000:00
Speed: