Book 2 • Chapter 75
Section 75
14 verses
Verse 1
पुत्रवती जुबती जग सोई रघुपति भगतु जासु सुतु होई
Verse 2
नतरु बाँझ भलि बादि बिआनी राम बिमुख सुत तें हित जानी
Verse 3
तुम्हरेहिं भाग रामु बन जाहीं दूसर हेतु तात कछु नाहीं
Verse 4
सकल सुकृत कर बड़ फलु एहू राम सीय पद सहज सनेहू
Verse 5
राग रोषु इरिषा मदु मोहू जनि सपनेहुँ इन्ह के बस होहू
Verse 6
सकल प्रकार बिकार बिहाई मन क्रम बचन करेहु सेवकाई
Verse 7
तुम्ह कहुँ बन सब भाँति सुपासू सँग पितु मातु रामु सिय जासू
Verse 8
जेहिं न रामु बन लहहिं कलेसू सुत सोइ करेहु इहइ उपदेसू
Verse 9
उपदेसु यहु जेहिं तात तुम्हरे राम सिय सुख पावहीं
Verse 10
पितु मातु प्रिय परिवार पुर सुख सुरति बन बिसरावहीं
Verse 11
तुलसी प्रभुहि सिख देइ आयसु दीन्ह पुनि आसिष दई
Verse 12
रति होउ अबिरल अमल सिय रघुबीर पद नित नित नई
Verse 13
मातु चरन सिरु नाइ चले तुरत संकित हृदयँ
Verse 14
बागुर बिषम तोराइ मनहुँ भाग मृगु भाग बस
0:000:00
Speed: