Book 1 • Chapter 106
Section 106
10 verses
Verse 1
हरि हर बिमुख धर्म रति नाहीं ते नर तहँ सपनेहुँ नहिं जाहीं
Verse 2
तेहि गिरि पर बट बिटप बिसाला नित नूतन सुंदर सब काला
Verse 3
त्रिबिध समीर सुसीतलि छाया सिव बिश्राम बिटप श्रुति गाया
Verse 4
एक बार तेहि तर प्रभु गयऊ तरु बिलोकि उर अति सुखु भयऊ
Verse 5
निज कर डासि नागरिपु छाला बैठै सहजहिं संभु कृपाला
Verse 6
कुंद इंदु दर गौर सरीरा भुज प्रलंब परिधन मुनिचीरा
Verse 7
तरुन अरुन अंबुज सम चरना नख दुति भगत हृदय तम हरना
Verse 8
भुजग भूति भूषन त्रिपुरारी आननु सरद चंद छबि हारी
Verse 9
जटा मुकुट सुरसरित सिर लोचन नलिन बिसाल
Verse 10
नीलकंठ लावन्यनिधि सोह बालबिधु भाल
0:000:00
Speed: