Book 1 • Chapter 116
Section 116
10 verses
Verse 1
सगुनहि अगुनहि नहिं कछु भेदा गावहिं मुनि पुरान बुध बेदा
Verse 2
अगुन अरुप अलख अज जोई भगत प्रेम बस सगुन सो होई
Verse 3
जो गुन रहित सगुन सोइ कैसें जलु हिम उपल बिलग नहिं जैसें
Verse 4
जासु नाम भ्रम तिमिर पतंगा तेहि किमि कहिअ बिमोह प्रसंगा
Verse 5
राम सच्चिदानंद दिनेसा नहिं तहँ मोह निसा लवलेसा
Verse 6
सहज प्रकासरुप भगवाना नहिं तहँ पुनि बिग्यान बिहाना
Verse 7
हरष बिषाद ग्यान अग्याना जीव धर्म अहमिति अभिमाना
Verse 8
राम ब्रह्म ब्यापक जग जाना परमानन्द परेस पुराना
Verse 9
पुरुष प्रसिद्ध प्रकास निधि प्रगट परावर नाथ
Verse 10
रघुकुलमनि मम स्वामि सोइ कहि सिवँ नायउ माथ
0:000:00
Speed: