Book 1 • Chapter 121
Section 121
10 verses
Verse 1
सुनु गिरिजा हरिचरित सुहाए बिपुल बिसद निगमागम गाए
Verse 2
हरि अवतार हेतु जेहि होई इदमित्थं कहि जाइ न सोई
Verse 3
राम अर्तक्य बुद्धि मन बानी मत हमार अस सुनहि सयानी
Verse 4
तदपि संत मुनि बेद पुराना जस कछु कहहिं स्वमति अनुमाना
Verse 5
तस मैं सुमुखि सुनावउँ तोही समुझि परइ जस कारन मोही
Verse 6
जब जब होइ धरम कै हानी बाढहिं असुर अधम अभिमानी
Verse 7
करहिं अनीति जाइ नहिं बरनी सीदहिं बिप्र धेनु सुर धरनी
Verse 8
तब तब प्रभु धरि बिबिध सरीरा हरहि कृपानिधि सज्जन पीरा
Verse 9
असुर मारि थापहिं सुरन्ह राखहिं निज श्रुति सेतु
Verse 10
जग बिस्तारहिं बिसद जस राम जन्म कर हेतु
0:000:00
Speed: