Book 1 • Chapter 168
Section 168
10 verses
Verse 1
जानि नृपहि आपन आधीना बोला तापस कपट प्रबीना
Verse 2
सत्य कहउँ भूपति सुनु तोही जग नाहिन दुर्लभ कछु मोही
Verse 3
अवसि काज मैं करिहउँ तोरा मन तन बचन भगत तैं मोरा
Verse 4
जोग जुगुति तप मंत्र प्रभाऊ फलइ तबहिं जब करिअ दुराऊ
Verse 5
जौं नरेस मैं करौं रसोई तुम्ह परुसहु मोहि जान न कोई
Verse 6
अन्न सो जोइ जोइ भोजन करई सोइ सोइ तव आयसु अनुसरई
Verse 7
पुनि तिन्ह के गृह जेवँइ जोऊ तव बस होइ भूप सुनु सोऊ
Verse 8
जाइ उपाय रचहु नृप एहू संबत भरि संकलप करेहू
Verse 9
नित नूतन द्विज सहस सत बरेहु सहित परिवार
Verse 10
मैं तुम्हरे संकलप लगि दिनहिंकरिब जेवनार
0:000:00
Speed: