Book 1 • Chapter 171
Section 171
10 verses
Verse 1
तापस नृप निज सखहि निहारी हरषि मिलेउ उठि भयउ सुखारी
Verse 2
मित्रहि कहि सब कथा सुनाई जातुधान बोला सुख पाई
Verse 3
अब साधेउँ रिपु सुनहु नरेसा जौं तुम्ह कीन्ह मोर उपदेसा
Verse 4
परिहरि सोच रहहु तुम्ह सोई बिनु औषध बिआधि बिधि खोई
Verse 5
कुल समेत रिपु मूल बहाई चौथे दिवस मिलब मैं आई
Verse 6
तापस नृपहि बहुत परितोषी चला महाकपटी अतिरोषी
Verse 7
भानुप्रतापहि बाजि समेता पहुँचाएसि छन माझ निकेता
Verse 8
नृपहि नारि पहिं सयन कराई हयगृहँ बाँधेसि बाजि बनाई
Verse 9
राजा के उपरोहितहि हरि लै गयउ बहोरि
Verse 10
लै राखेसि गिरि खोह महुँ मायाँ करि मति भोरि
0:000:00
Speed: