Book 1 • Chapter 192
Section 192
16 verses
Verse 1
भए प्रगट कृपाला दीनदयाला कौसल्या हितकारी
Verse 2
हरषित महतारी मुनि मन हारी अद्भुत रूप बिचारी
Verse 3
लोचन अभिरामा तनु घनस्यामा निज आयुध भुज चारी
Verse 4
भूषन बनमाला नयन बिसाला सोभासिंधु खरारी
Verse 5
कह दुइ कर जोरी अस्तुति तोरी केहि बिधि करौं अनंता
Verse 6
माया गुन ग्यानातीत अमाना बेद पुरान भनंता
Verse 7
करुना सुख सागर सब गुन आगर जेहि गावहिं श्रुति संता
Verse 8
सो मम हित लागी जन अनुरागी भयउ प्रगट श्रीकंता
Verse 9
ब्रह्मांड निकाया निर्मित माया रोम रोम प्रति बेद कहै
Verse 10
मम उर सो बासी यह उपहासी सुनत धीर पति थिर न रहै
Verse 11
उपजा जब ग्याना प्रभु मुसकाना चरित बहुत बिधि कीन्ह चहै
Verse 12
कहि कथा सुहाई मातु बुझाई जेहि प्रकार सुत प्रेम लहै
Verse 13
माता पुनि बोली सो मति डौली तजहु तात यह रूपा
Verse 14
कीजै सिसुलीला अति प्रियसीला यह सुख परम अनूपा
Verse 15
सुनि बचन सुजाना रोदन ठाना होइ बालक सुरभूपा
Verse 16
यह चरित जे गावहिं हरिपद पावहिं ते न परहिं भवकूपा
0:000:00
Speed: