Book 1 • Chapter 198
Section 198
10 verses
Verse 1
धरे नाम गुर हृदयँ बिचारी बेद तत्व नृप तव सुत चारी
Verse 2
मुनि धन जन सरबस सिव प्राना बाल केलि तेहिं सुख माना
Verse 3
बारेहि ते निज हित पति जानी लछिमन राम चरन रति मानी
Verse 4
भरत सत्रुहन दूनउ भाई प्रभु सेवक जसि प्रीति बड़ाई
Verse 5
स्याम गौर सुंदर दोउ जोरी निरखहिं छबि जननीं तृन तोरी
Verse 6
चारिउ सील रूप गुन धामा तदपि अधिक सुखसागर रामा
Verse 7
हृदयँ अनुग्रह इंदु प्रकासा सूचत किरन मनोहर हासा
Verse 8
कबहुँ उछंग कबहुँ बर पलना मातु दुलारइ कहि प्रिय ललना
Verse 9
ब्यापक ब्रह्म निरंजन निर्गुन बिगत बिनोद
Verse 10
सो अज प्रेम भगति बस कौसल्या के गोद
0:000:00
Speed: