Book 1 • Chapter 221
Section 221
10 verses
Verse 1
कहहु सखी अस को तनुधारी जो न मोह यह रूप निहारी
Verse 2
कोउ सप्रेम बोली मृदु बानी जो मैं सुना सो सुनहु सयानी
Verse 3
ए दोऊ दसरथ के ढोटा बाल मरालन्हि के कल जोटा
Verse 4
मुनि कौसिक मख के रखवारे जिन्ह रन अजिर निसाचर मारे
Verse 5
स्याम गात कल कंज बिलोचन जो मारीच सुभुज मदु मोचन
Verse 6
कौसल्या सुत सो सुख खानी नामु रामु धनु सायक पानी
Verse 7
गौर किसोर बेषु बर काछें कर सर चाप राम के पाछें
Verse 8
लछिमनु नामु राम लघु भ्राता सुनु सखि तासु सुमित्रा माता
Verse 9
बिप्रकाजु करि बंधु दोउ मग मुनिबधू उधारि
Verse 10
आए देखन चापमख सुनि हरषीं सब नारि
0:000:00
Speed: