Book 1 • Chapter 222
Section 222
10 verses
Verse 1
देखि राम छबि कोउ एक कहई जोगु जानकिहि यह बरु अहई
Verse 2
जौ सखि इन्हहि देख नरनाहू पन परिहरि हठि करइ बिबाहू
Verse 3
कोउ कह ए भूपति पहिचाने मुनि समेत सादर सनमाने
Verse 4
सखि परंतु पनु राउ न तजई बिधि बस हठि अबिबेकहि भजई
Verse 5
कोउ कह जौं भल अहइ बिधाता सब कहँ सुनिअ उचित फलदाता
Verse 6
तौ जानकिहि मिलिहि बरु एहू नाहिन आलि इहाँ संदेहू
Verse 7
जौ बिधि बस अस बनै सँजोगू तौ कृतकृत्य होइ सब लोगू
Verse 8
सखि हमरें आरति अति तातें कबहुँक ए आवहिं एहि नातें
Verse 9
नाहिं त हम कहुँ सुनहु सखि इन्ह कर दरसनु दूरि
Verse 10
यह संघटु तब होइ जब पुन्य पुराकृत भूरि
0:000:00
Speed: