Book 1 • Chapter 226
Section 226
10 verses
Verse 1
निसि प्रबेस मुनि आयसु दीन्हा सबहीं संध्याबंदनु कीन्हा
Verse 2
कहत कथा इतिहास पुरानी रुचिर रजनि जुग जाम सिरानी
Verse 3
मुनिबर सयन कीन्हि तब जाई लगे चरन चापन दोउ भाई
Verse 4
जिन्ह के चरन सरोरुह लागी करत बिबिध जप जोग बिरागी
Verse 5
तेइ दोउ बंधु प्रेम जनु जीते गुर पद कमल पलोटत प्रीते
Verse 6
बारबार मुनि अग्या दीन्ही रघुबर जाइ सयन तब कीन्ही
Verse 7
चापत चरन लखनु उर लाएँ सभय सप्रेम परम सचु पाएँ
Verse 8
पुनि पुनि प्रभु कह सोवहु ताता पौढ़े धरि उर पद जलजाता
Verse 9
उठे लखन निसि बिगत सुनि अरुनसिखा धुनि कान
Verse 10
गुर तें पहिलेहिं जगतपति जागे रामु सुजान
0:000:00
Speed: