Book 1 • Chapter 229
Section 229
10 verses
Verse 1
देखन बागु कुअँर दुइ आए बय किसोर सब भाँति सुहाए
Verse 2
स्याम गौर किमि कहौं बखानी गिरा अनयन नयन बिनु बानी
Verse 3
सुनि हरषीं सब सखीं सयानी सिय हियँ अति उतकंठा जानी
Verse 4
एक कहइ नृपसुत तेइ आली सुने जे मुनि सँग आए काली
Verse 5
जिन्ह निज रूप मोहनी डारी कीन्ह स्वबस नगर नर नारी
Verse 6
बरनत छबि जहँ तहँ सब लोगू अवसि देखिअहिं देखन जोगू
Verse 7
तासु वचन अति सियहि सुहाने दरस लागि लोचन अकुलाने
Verse 8
चली अग्र करि प्रिय सखि सोई प्रीति पुरातन लखइ न कोई
Verse 9
सुमिरि सीय नारद बचन उपजी प्रीति पुनीत
Verse 10
चकित बिलोकति सकल दिसि जनु सिसु मृगी सभीत
0:000:00
Speed: