Book 1 • Chapter 243
Section 243
10 verses
Verse 1
सहज मनोहर मूरति दोऊ कोटि काम उपमा लघु सोऊ
Verse 2
सरद चंद निंदक मुख नीके नीरज नयन भावते जी के
Verse 3
चितवत चारु मार मनु हरनी भावति हृदय जाति नहीं बरनी
Verse 4
कल कपोल श्रुति कुंडल लोला चिबुक अधर सुंदर मृदु बोला
Verse 5
कुमुदबंधु कर निंदक हाँसा भृकुटी बिकट मनोहर नासा
Verse 6
भाल बिसाल तिलक झलकाहीं कच बिलोकि अलि अवलि लजाहीं
Verse 7
पीत चौतनीं सिरन्हि सुहाई कुसुम कलीं बिच बीच बनाईं
Verse 8
रेखें रुचिर कंबु कल गीवाँ जनु त्रिभुवन सुषमा की सीवाँ
Verse 9
कुंजर मनि कंठा कलित उरन्हि तुलसिका माल
Verse 10
बृषभ कंध केहरि ठवनि बल निधि बाहु बिसाल
0:000:00
Speed: