Book 1 • Chapter 258
Section 258
10 verses
Verse 1
नीकें निरखि नयन भरि सोभा पितु पनु सुमिरि बहुरि मनु छोभा
Verse 2
अहह तात दारुनि हठ ठानी समुझत नहिं कछु लाभु न हानी
Verse 3
सचिव सभय सिख देइ न कोई बुध समाज बड़ अनुचित होई
Verse 4
कहँ धनु कुलिसहु चाहि कठोरा कहँ स्यामल मृदुगात किसोरा
Verse 5
बिधि केहि भाँति धरौं उर धीरा सिरस सुमन कन बेधिअ हीरा
Verse 6
सकल सभा कै मति भै भोरी अब मोहि संभुचाप गति तोरी
Verse 7
निज जड़ता लोगन्ह पर डारी होहि हरुअ रघुपतिहि निहारी
Verse 8
अति परिताप सीय मन माही लव निमेष जुग सब सय जाहीं
Verse 9
प्रभुहि चितइ पुनि चितव महि राजत लोचन लोल
Verse 10
खेलत मनसिज मीन जुग जनु बिधु मंडल डोल
0:000:00
Speed: