Book 1 • Chapter 261
Section 261
8 verses
Verse 1
देखी बिपुल बिकल बैदेही निमिष बिहात कलप सम तेही
Verse 2
तृषित बारि बिनु जो तनु त्यागा मुएँ करइ का सुधा तड़ागा
Verse 3
का बरषा सब कृषी सुखानें समय चुकें पुनि का पछितानें
Verse 4
अस जियँ जानि जानकी देखी प्रभु पुलके लखि प्रीति बिसेषी
Verse 5
गुरहि प्रनामु मनहि मन कीन्हा अति लाघवँ उठाइ धनु लीन्हा
Verse 6
दमकेउ दामिनि जिमि जब लयऊ पुनि नभ धनु मंडल सम भयऊ
Verse 7
लेत चढ़ावत खैंचत गाढ़ें काहुँ न लखा देख सबु ठाढ़ें
Verse 8
तेहि छन राम मध्य धनु तोरा भरे भुवन धुनि घोर कठोरा
0:000:00
Speed: