Book 1 • Chapter 265
Section 265
10 verses
Verse 1
पुर अरु ब्योम बाजने बाजे खल भए मलिन साधु सब राजे
Verse 2
सुर किंनर नर नाग मुनीसा जय जय जय कहि देहिं असीसा
Verse 3
नाचहिं गावहिं बिबुध बधूटीं बार बार कुसुमांजलि छूटीं
Verse 4
जहँ तहँ बिप्र बेदधुनि करहीं बंदी बिरदावलि उच्चरहीं
Verse 5
महि पाताल नाक जसु ब्यापा राम बरी सिय भंजेउ चापा
Verse 6
करहिं आरती पुर नर नारी देहिं निछावरि बित्त बिसारी
Verse 7
सोहति सीय राम कै जौरी छबि सिंगारु मनहुँ एक ठोरी
Verse 8
सखीं कहहिं प्रभुपद गहु सीता करति न चरन परस अति भीता
Verse 9
गौतम तिय गति सुरति करि नहिं परसति पग पानि
Verse 10
मन बिहसे रघुबंसमनि प्रीति अलौकिक जानि
0:000:00
Speed: