Book 1 • Chapter 288
Section 288
9 verses
Verse 1
बेनि हरित मनिमय सब कीन्हे सरल सपरब परहिं नहिं चीन्हे
Verse 2
कनक कलित अहिबेल बनाई लखि नहि परइ सपरन सुहाई
Verse 3
तेहि के रचि पचि बंध बनाए बिच बिच मुकता दाम सुहाए
Verse 4
मानिक मरकत कुलिस पिरोजा चीरि कोरि पचि रचे सरोजा
Verse 5
किए भृंग बहुरंग बिहंगा गुंजहिं कूजहिं पवन प्रसंगा
Verse 6
सुर प्रतिमा खंभन गढ़ी काढ़ी मंगल द्रब्य लिएँ सब ठाढ़ी
Verse 7
चौंकें भाँति अनेक पुराईं सिंधुर मनिमय सहज सुहाई
Verse 8
सौरभ पल्लव सुभग सुठि किए नीलमनि कोरि
Verse 9
हेम बौर मरकत घवरि लसत पाटमय डोरि
0:000:00
Speed: