Book 1 • Chapter 291
Section 291
10 verses
Verse 1
सुनि पाती पुलके दोउ भ्राता अधिक सनेहु समात न गाता
Verse 2
प्रीति पुनीत भरत कै देखी सकल सभाँ सुखु लहेउ बिसेषी
Verse 3
तब नृप दूत निकट बैठारे मधुर मनोहर बचन उचारे
Verse 4
भैया कहहु कुसल दोउ बारे तुम्ह नीकें निज नयन निहारे
Verse 5
स्यामल गौर धरें धनु भाथा बय किसोर कौसिक मुनि साथा
Verse 6
पहिचानहु तुम्ह कहहु सुभाऊ प्रेम बिबस पुनि पुनि कह राऊ
Verse 7
जा दिन तें मुनि गए लवाई तब तें आजु साँचि सुधि पाई
Verse 8
कहहु बिदेह कवन बिधि जाने सुनि प्रिय बचन दूत मुसकाने
Verse 9
सुनहु महीपति मुकुट मनि तुम्ह सम धन्य न कोउ
Verse 10
रामु लखनु जिन्ह के तनय बिस्व बिभूषन दोउ
0:000:00
Speed: