Book 1 • Chapter 297
Section 297
10 verses
Verse 1
जहँ तहँ जूथ जूथ मिलि भामिनि सजि नव सप्त सकल दुति दामिनि
Verse 2
बिधुबदनीं मृग सावक लोचनि निज सरुप रति मानु बिमोचनि
Verse 3
गावहिं मंगल मंजुल बानीं सुनिकल रव कलकंठि लजानीं
Verse 4
भूप भवन किमि जाइ बखाना बिस्व बिमोहन रचेउ बिताना
Verse 5
मंगल द्रब्य मनोहर नाना राजत बाजत बिपुल निसाना
Verse 6
कतहुँ बिरिद बंदी उच्चरहीं कतहुँ बेद धुनि भूसुर करहीं
Verse 7
गावहिं सुंदरि मंगल गीता लै लै नामु रामु अरु सीता
Verse 8
बहुत उछाहु भवनु अति थोरा मानहुँ उमगि चला चहु ओरा
Verse 9
सोभा दसरथ भवन कइ को कबि बरनै पार
Verse 10
जहाँ सकल सुर सीस मनि राम लीन्ह अवतार
0:000:00
Speed: