Book 1 • Chapter 298
Section 298
10 verses
Verse 1
भूप भरत पुनि लिए बोलाई हय गय स्यंदन साजहु जाई
Verse 2
चलहु बेगि रघुबीर बराता सुनत पुलक पूरे दोउ भ्राता
Verse 3
भरत सकल साहनी बोलाए आयसु दीन्ह मुदित उठि धाए
Verse 4
रचि रुचि जीन तुरग तिन्ह साजे बरन बरन बर बाजि बिराजे
Verse 5
सुभग सकल सुठि चंचल करनी अय इव जरत धरत पग धरनी
Verse 6
नाना जाति न जाहिं बखाने निदरि पवनु जनु चहत उड़ाने
Verse 7
तिन्ह सब छयल भए असवारा भरत सरिस बय राजकुमारा
Verse 8
सब सुंदर सब भूषनधारी कर सर चाप तून कटि भारी
Verse 9
छरे छबीले छयल सब सूर सुजान नबीन
Verse 10
जुग पदचर असवार प्रति जे असिकला प्रबीन
0:000:00
Speed: