Book 1 • Chapter 299
Section 299
10 verses
Verse 1
बाँधे बिरद बीर रन गाढ़े निकसि भए पुर बाहेर ठाढ़े
Verse 2
फेरहिं चतुर तुरग गति नाना हरषहिं सुनि सुनि पवन निसाना
Verse 3
रथ सारथिन्ह बिचित्र बनाए ध्वज पताक मनि भूषन लाए
Verse 4
चवँर चारु किंकिन धुनि करही भानु जान सोभा अपहरहीं
Verse 5
सावँकरन अगनित हय होते ते तिन्ह रथन्ह सारथिन्ह जोते
Verse 6
सुंदर सकल अलंकृत सोहे जिन्हहि बिलोकत मुनि मन मोहे
Verse 7
जे जल चलहिं थलहि की नाई टाप न बूड़ बेग अधिकाई
Verse 8
अस्त्र सस्त्र सबु साजु बनाई रथी सारथिन्ह लिए बोलाई
Verse 9
चढ़ि चढ़ि रथ बाहेर नगर लागी जुरन बरात
Verse 10
होत सगुन सुन्दर सबहि जो जेहि कारज जात
0:000:00
Speed: