Book 1 • Chapter 304
Section 304
10 verses
Verse 1
मंगल सगुन सुगम सब ताकें सगुन ब्रह्म सुंदर सुत जाकें
Verse 2
राम सरिस बरु दुलहिनि सीता समधी दसरथु जनकु पुनीता
Verse 3
सुनि अस ब्याहु सगुन सब नाचे अब कीन्हे बिरंचि हम साँचे
Verse 4
एहि बिधि कीन्ह बरात पयाना हय गय गाजहिं हने निसाना
Verse 5
आवत जानि भानुकुल केतू सरितन्हि जनक बँधाए सेतू
Verse 6
बीच बीच बर बास बनाए सुरपुर सरिस संपदा छाए
Verse 7
असन सयन बर बसन सुहाए पावहिं सब निज निज मन भाए
Verse 8
नित नूतन सुख लखि अनुकूले सकल बरातिन्ह मंदिर भूले
Verse 9
आवत जानि बरात बर सुनि गहगहे निसान
Verse 10
सजि गज रथ पदचर तुरग लेन चले अगवान
0:000:00
Speed: